Մեր դպրոցի մարզահրապարակին հարող կանգառամերձ տարածքն անընդմեջ աղտոտվում էր, քանի որ կանգառից օգտվող մարդիկ ձեռքի աղբը նետում էին ճաղավանդակներից ներս՝ դեպի դպրոցի խնամված խաղահրապարակ։
Այս խնդրին արձագանքելու և այն լուծելու համար որոշվեց կազմակերպել իրազեկման ակցիա մեր դպրոցի 5 և 6-րդ դասարանի աշակերտների հետ
` #աղտոտելը_ամոթ_է #աղբի_տեղը_աղբամանն_է #իմ_դպրոցը_իմ_տունն_է #խոսքից_գործ 🚯 
🌿 Էկոլոգիական խնդիրների մասին երեխաներին իրազեկումը գիտակից քաղաքացի կրթելու կարևոր տարր է, սակայն միայն աշակերտի անմիջական մասնակցությամբ է հնարավոր կրթել շրջակա միջավայրի հանդեպ պատասխանատու քաղաքացի, և միայն սեփական օրինակով է հնարավոր նույնը պահանջել մյուսներից։
✅ Ահա այս նպատակին հասնելու համար մենք սկսեցինք այս իրազեկման նախաձեռնությունը` որպես նախագծային աշխատանքի մաս։
✅ Մեր աշակերտները դասղեկների հետ կանխավ էկոլոգիական հիմնախնդիրների վերաբերյալ զրույցներ էին ունեցել, մտածել էին պաստառների թեմատիկան և ինքնուրույն պատրաստել էին իրազեկման պաստառները։ Ինչպես նաև իրենց ձեռքով պատրաստել էին իրազեկման թերթիկներ։
✅ Իրազեկման ակցիան սկսելուց առաջ նախ բոլորով #մաքրապատեցին դպրոցի բակային տարածքը։ Այնուհետև աշակերտները կիսվեցին խմբերի և դասղեկների ուղեկցությամբ քայլեցին հարակից շենքերի և տների փողոցներով` մեր քաղաքի բնակիչներին բաժանելով բուկլետները և կոչ անելով չաղտոտել քաղաքը, աղբը նետել աղբամանի մեջ ու սիրել մեր քաղաքը ❤️
✅ Աշակերտները պաստառներով դիմավորեցին նաև կանգառից օգտվող քաղաքացիներին` երթուղայինից իջնող քաղաքացիներին և տաքսիների վարորդներին ևս հորդորելով չաղտոտել տարածքը։
✅ Մենք մեծապես հույս ենք հայտնում, որ երեխաների կոչերով այս իրազեկման ակցիան մեր դպրոցի հարակից տարածքում բնակվող քաղաքացիներին կստիպի վերանայել իրենց վերաբերմունքը ինչպես շրջակա միջավայրի հանդեպ ընդհանրապես, այնպես էլ` մեր դպրոցի հանդեպ, որտեղ սովորում են իրենց երեխաները, որն ամեն օր մենք հոգատարությամբ ենք պահպանում, և հաջորդ անգամ ձեռքի կոնֆետի թուղթը կամ ծխախոտի մնացորդը գետնին նետելուց առաջ մի պահ կանգ կառնեն, և կփնտրեն մոտակա աղբամանը, կամ մնացորդը կպահեն գրպանում մինչև մոտակա աղբամանին հասնելը` հստակ գիտակցելով, որ ԱՂԲԻ ՏԵՂԸ ԱՂԲԱՄԱՆՆ Է ☝️

Շնորհակալ ենք Yerkir.am լրատվականին մեր ակցիան ուղիղ միացումով լուսաբանելու համար!