Նյութի աղբյուրը՝ Parliament.am
Հունիսի 3-ին խորհրդարան էին այցելել Երեւանի Արմեն Հովհաննիսյանի անվան թիվ 194 դպրոցի աշակերտներն ու ուսուցիչները:
Ազգային ժողովի արտահերթ նիստի աշխատանքներին օթյակից հետեւելուց հետո նրանց հետ հանդիպեցին «Իմ քայլը» խմբակցության պատգամավորներ Հայկ Կոնջորյանը եւ Հակոբ Ասլանյանը:
Հյուրերին հետաքրքրում էին երկրում տիրող ներքաղաքական լարվածությանը եւ դրա լուծման տարբերակներին վերաբերող հարցերը: Նրանք մտահոգված էին նաեւ գնաճով:
Պատգամավոր Հայկ Կոնջորյանը, պատասխանելով երկրի ներքաղաքական լարվածությունը թուլացնելու վերաբերյալ հարցին, նշեց, որ դա կարող է լինել արտահերթ խորհրդարանական ընտրությունների միջոցով՝ ընդգծելով, որ իրենց խմբակցությունը ժողովրդավարության կողմնակիցն է:
Հակոբ Ասլանյանը հորդորեց լավ սովորել, քանզի հենց նրանք են մեր երկրի ապագան կերտողները:
ԱԺ նիստերի դահլիճում նկարվելուց հետո աշակերտները շարունակեցին զրուցել պատգամավորների հետ:
Հիշարժան օրվա այցն ավարտվեց խորհրդարանի գրադարանում:
