Մենք «Աշխարհն առանց թափոնների» մրցույթի հաղթո՜ղն ենք

Հաղթանակի հավաստագիրը ստացավ մեր դպրոցի աշակերտական խորհրդի ներկայացուցիչ Էլեն Օսիպովան, ով այսքան ժամանակ կազմակերպում էր հավաքագրման աշխատանքը, կշռում էր հանձնած թափոնները և գրանցում` այդպես ոգևորելով բոլորին, ինչի համար հատուկ շնորհակալ ենք էլենին

Կազմակերպության ներկայացուցիչները ևս հայտնեցին իրենց զարմանքը, թե մեր դպրոցը որքան ակտիվ էր հավաքագրում թափոնը և ամեն անգամ միայն մեծ մեքենաներով էր հնարավոր լինում տեղափոխել կուտակածը, քանզի մեր աշակերտները ոչ միայն տներից, այլև դպրոցի հարակից տարածքների խանութներից ևս հավաքում էին դուրս նետած թափոնը, ինչի շնորհիվ այս նախաձեռնությունն ունեցավ համայնքային ազդեցություն ևս!

Շնորհակալություն ենք հայտնում «Համայնքների կայուն զարգացման նորարական լուծումներ» կազմակերպությանը բնապահպանական այս ոգևորիչ նախաձեռնության համար։

Ինչպես նաև շնորհակալ ենք մեր դպրոցական ողջ համայնքին այս մրցույթում մեծ ներգրավվածություն ցուցաբերելու համար։ Ձեր հանձնած ամեն մի պլաստիկ շիշն ու թուղթը բերեցին ցանկալի արդյունքին, որովհետև միայն գյուղ կանգնելով է գերան կոտրվում, իսկ մեր «գերանը» դպրոցում և համայնքում բնապահպանական գիտակցություն և պատասխանատվություն ձևավորելն է, ինչն էլ միասին կարողացանք անել` հավաքագրելով տոննայից ավել թափոն